報 章 訪 問
         
     

刊登於《太陽報》24 Sep 2009

混音高手屋企錄派台歌
有人話依家本地樂壇已經冇歌手,只有ARTIST,就算唱歌走晒音,都可逐粒音執番靚出唱片,聽Live與聽碟完全兩回事。玩數碼錄音超過十年的謝國維(Victor) 卻不認同:「觀眾聽Live會覺得有瑕疵有現場感,但播CD只要有一粒走音已不能接受,所以唔可以唔執。」近年更普及到Home Studio都能錄出專業Demo,一部Mac機就搞掂。

達人檔案
謝國維於一九九七年奪得CASH創作大賽冠軍,二零零二年成為全職音樂人,曾合作過的歌手包括楊千嬅、陳慧琳、李克勤、Twins等,創作過百首作品,近年憑《思前戀後》獲得多個獎項。現任伯樂音樂學院顧問、音樂製作及科技系總監。

曾與孫耀威、Twins等多位歌手合作的Victor,無論作曲、錄音和剪輯都會用到電腦。「記得初玩數碼錄音時,淨係電腦器材和混音器(Synthesizer,用來模擬出各種樂器)都過十萬元,但隨著電腦效能愈來愈高,裝隻軟件就有Sound Library可模擬出像真度高的樂器,令混音製作變得更平民化。」

數碼創作快捷省時
記得零七年孫耀威重返樂壇就搵Victor幫手做?《思前戀後》呢首歌,結果橫掃多個頒獎禮獎項,其實Victor最初只係拎部iPhone ?《Voice Memo》錄低簡單旋律,返到Home Studio才在電腦做音樂襯底,最記得正式錄音想加插段副歌,臨時臨急搵林夕起歌詞:「數碼音樂就有這個好處,唔使搵隊Band或大堆樂器,有部電腦想點改就點改,慳返好多時間。」
追求完美唱足四日

不過電腦有樣野做唔到,就是人聲和結他聲始終欠缺感情和真實感,所以電腦Tune聲只可作為輔助,有時為了追求完美質素,歌手甚至要唱同一首歌幾個鐘,嘗試不同的技巧和風格。Victor話最地獄?次係位歌手唱同一首歌唱足四日,完成音樂和錄歌後,還要在電腦利用《Logic Pro》、《Digital Performer》等混音軟件,分段剪輯及調校不同效果,絕對是嘔心瀝血之作。

幾千元玩Home Studio
近年不少人自建Home Studio,其實想好似Victor咁響屋企創作樂曲,基本上有部Mac機及預載iLife 09《Garage Band》音樂軟件就搞掂,PC用家則可選擇《Adobe Audition》。只需將鍵盤控制器連接部腦,便可用琴鍵輸入鋼琴、鼓聲、低音結他等進行合成,價錢由數千元至數萬元不等。想進一步錄歌或混入不同音源,還可添置音源介面和專業級數碼音樂軟件,好似《Logic Studio》和《Cubase》等,隨時隨地響屋企都可做出專業級Demo。

相關課程資料
現代數碼錄音製作高級證書課程
音樂製作文憑課程